Biðlistarnir lengjast enn

Ekki virðist hægt að tengja fjölgun á biðlistum eftir skurðaðgerðum beint við verkfall lækna í lok síðasta árs þar sem aukningin er ekki áberandi meiri en verið hefur undanfarið ár. Þó er heldur ekki hægt að útiloka að fjölgun á sumum biðlistum sé vegna verkfallsins.

Þetta kemur fram í Talnabrunni embættis landlæknis.

Á heildina litið er um fjölgun á biðlistum að ræða eða óbreytt ástand á biðlistum þeirra völdu skurðaðgerða sem hér um ræðir frá síðustu mælingu í október. Greina má fækkun á biðlistum þriggja aðgerðahópa.

Eftir sem áður eru fjölmennustu biðlistarnir eftir skurðaðgerð á augasteini og gerviliða-

aðgerðum á mjöðm og hné. Mest áberandi er fjölgun á biðlista eftir skurðaðgerð á augasteini en sú aukning sýnist þó vera meiri en raunin er vegna breyttra forsendna við talningar á biðlistum.

Í tölunum er miðað við þann fjölda sem hefur beðið eftir aðgerð í 3 mánuði eða lengur.

• 1 blogg um fréttina

Bloggað um fréttina

• Sigurbjörn Sveinsson: Fjöl­menn­ustu biðlist­arn­ir eft­ir skurðaðgerðum sem auka lífsgæði