„Hér er bara tómur gígur sem blasir við, en rýkur úr hér og þar. Þetta er tröllslegt en um leið fallegt að sjá, ef svo má að orði komast,“ sagði Ármann Höskuldsson eldfjallafræðingur við Morgunblaðið um miðjan dag í gær.

Hann var þá staddur á gígbarmi eldstöðvarinnar í Holuhrauni en gosinu lauk formlega sl. föstudag, að því er fram kemur í umfjöllun um eldstöðvarnar í Morgunblaðinu í dag.

Hæsti tindur gígsins er um 70 metra hár en sjálfur megingígurinn er 600-700 metrar að lengd. Ármann var ásamt hópi vísindamanna frá Jarðfræðistofnun HÍ, Veðurstofunni og Bresku jarðfræðistofnuninni við mælingar á gasmengun við eldstöðvarnar, sýnatöku í hrauninu og uppsetningu á nýjum mælitækjum.

Tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir