Starfsgreinasamband Íslands sleit í dag samningaviðræðum við Samtök atvinnulífsins um endurnýjun kjarasamninga. Í tilkynningu frá Samtökum Atvinnulífsins kemur fram að Starfsgreinasamband Íslands hafni nálgun SA um að halda áfram að byggja upp kaupmátt launa á grundvelli verðstöðugleika. „Í stað þess er nálgun SGS að krefjast tugprósenta launahækkana sem mun leiða til mikillar verðbólgu á skömmum tíma og stökkbreyta verðtryggðum skuldum heimila og fyrirtækja, hækka vexti og fella gengi krónunnar,“ segir í tilkynningu SA.

„SA hafa á undanförnum vikum lagt fram ítarleg gögn og greiningar á samningafundum með SGS og hjá ríkissáttasemjara sem sýna að sú leið sem Starfsgreinasambandið vill fara er ófær. Verði hún farin mun hún valda samfélaginu miklu tjóni og gera að engu þann mikla árangur sem náðist í kjölfar síðustu kjarasamninga á almennum vinnumarkaði,“ segir ennfremur.

Starfsgreinasamband Íslands boðar verkfallsaðgerðir en í tilkynningu SA kemur fram að það tjón sem verkföllin munu valda eru alfarið á ábyrgð sambandsins. 

„Samtök atvinnulífsins geta undir engum kringumstæðum fallist á að leggja upp í ferð sem vitað er að muni enda með ósköpum.“

Tengdar fréttir

Kjaraviðræður

Í kappi við tímann að reyna að afstýra verkfalli

• Eins og ef „Kjörbúðin á Blönduósi færi í verkfall“
• „Við munum ekki hvílast fyrr en þetta klárast“
• „Við erum ennþá í fullum gangi“
• „Verulegur framgangur“ og fjölmiðlabann í deilunni

» Fleiri tengdar fréttir

• 1 blogg um fréttina

Bloggað um fréttina

• Kristbjörn Árnason: Mogginn samur við sig