Einar K. Guðfinnsson, forseti Alþingis, hafnaði kröfu þingflokksformanna stjórnarandstöðunnar um að Alþingi sendi Evrópusambandinu bréf um að þingsályktunartillaga um aðildarumsókn Íslands sé enn í gildi. Hann hafnaði einnig að halda þingfund vegna málsins í dag. Helgi Hrafn Gunnarsson, formaður þingflokks Pírata, segist engin orð kunna til að lýsa vonbrigðum sínum.

„Hann reifaði meintan mun á því að skilgreina Ísland ekki lengur sem umsóknarríki og því að slíta aðildarviðræðunum sem er auðvitað bar orðhengilsháttur af augljósustu sort,“ segir Helgi Hrafn um fund þingflokksformanna með forseta Alþingis í morgun.

Formenn þingflokka stjórnarandstöðuflokkanna hafi verið skýrir á fundinum um að það leiki á vafi um hlutverk Alþingis í stjórnskipan landsins og ekki verði um alvarlegra málefni að fjalla á Alþingi nokkurn tímann. Þrátt fyrir það hafi forseti hafnað kröfu um að þingfundur verði haldinn í dag.

„Ég kann engin orð til að lýsa vonbrigðunum yfir því hvert við erum að fara,“ segir Helgi Hrafn.

Þingflokkar stjórnarandstöðunnar sitja nú á fundum en Helgi Hrafn segir að ekki sé skýrt hver næstu skref verða í málinu.

Einar K. Guðfinnsson forseti Alþingis

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Ómar Geirsson: Píratar afhjúpa sig.
• Guðmundur Jónsson: Það er pólitíst sjálfsmorð fyrir stjórnmálamenn að hanga á þessari …
• Ómar Ragnarsson: Athyglisverð sýn Styrmis og Jóns á málið.
• Rúnar Már Bragason: Umsókn send inn 2009 - kann engin orð yfir vonbrigðin