Merki hættulegar holur á vegum

Borgarráðsfulltrúar Sjálfstæðisflokksins lögðu fram bókun á borgarráðsfundi í gær um að teknar yrðu upp merkingar til bráðabirgða á götum Reykjavíkur til að vara við hættulegum holum vítt og breitt um borgina.

Þá verði strax gripið til þessara ráðstafana því eignatjón sé orðið mikið nú þegar.

Í Morgunblaðinu í dag segir Kjartan Magnússon, borgarfulltrúi Sjálfstæðisflokksins, útfærsluatriði hvernig merkja eigi holurnar, en t.d. sé hægt að setja upp skilti, keilur eða mála í kringum þær til að vekja athygli á þeim. Aðalatriðið sé að ökumenn sjái þær í tækri tíð.