Þorsteinn Pálsson, fyrrverandi forsætisráðherra, sagði á Sprengisandi á Bylgjunni í morgun að engu líkara væri en að utanríkismálum þjóðarinnar hafi verið útvistað til leikskólans á Grænuborg.

„Maður veit eiginlega ekki hvort á að taka þetta í alvöru eða gamni,“ sagði Þorsteinn og bætti við að hann væri algjörlega gáttaður á stöðu utanríkismála í landinu.

Eins og kunnugt er afhenti Gunnar Bragi Sveinsson utanríkisráðherra fulltrúum Evrópusambandsins bréf seinasta fimmtudaginn þar sem segir að ríkisstjórnin hafi samþykkt að hún hyggist ekki taka upp aðildarviðræður við Evrópusambandið á nýjan leik.

Þorsteinn sagði að með því að sniðganga lögbundið samráð við Alþingi, þá væru „einhverjar siðferðilegar stoðir brostnar“.

Hann nefndi jafnframt að það væri engin tilviljun að fylgi Sjálfstæðisflokksins hefði hrunið eftir síðasta landsfund flokksins þar sem núverandi stefna hans í Evrópumálum var samþykkt. Flokkurinn hefði ávallt verið í foyrstuhlutverki þegar kæmi að utanríkismálum þjóðarinnar en nú væri staðan önnur.

„Og ég sakna þess að flokkurinn hafi gefið það hlutverk eftir. Afleiðingin er sú að utanríkismálin eru eins og einhver skrípaleikur,” sagði Þorsteinn.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 3 blogg um fréttina

Bloggað um fréttina

• Óðinn Þórisson: Viðreisn býður fram til alþings 2017
• Njörður Helgason: Sýning Gunnars Braga.
• Rödd skynseminnar: Ekki útvistað til Grænuborgar