Formaður Samfylkingarinnar, Árni Páll Árnason, sagði í umræðum á Alþingi í dag það stappaði nærri landráðum að Gunnar Bragi Sveinsson utanríkisráðherra hafi átt í viðræðum við Evrópusambandið um orðalag á bréfinu sem ríkisstjórnin sendi sambandinu þar sem farið var fram á að Ísland væri tekið af lista yfir umsóknarríki.

Þingmenn stjórnarandstöðunnar hafa farið mikinn í umræðum á Alþingi í dag um ákvörðun ríkisstjórnarinnar. Ríkisstjórnin hefur verið sökuð um að reyna að fara framhjá þinginu í málinu og að í stað þingræðis hefði verið innleitt ráðherraræði. Svo virtist sem ráðherrar ríkisstjórnarinnar teldu sig geta gert hvað sem er á meðan ekki væri samþykkt vantraust á þá. Róbert Marshall, þingflokksformaður Bjartrar framtíðar, sagði að svo virtist sem ríkisstjórnin skildi ekki stjórnskipan landsins. Katrín Júlíusdóttir, varaformaður Samfylkingarinnar, sagðist ósammála því. Ríkisstjórninni væri einfaldlega sama um hana.

Mikið var rætt um það hvort engar þingsályktunartillögur væri í gildi fyrst ríkisstjórnin teldi ekki að þingsályktun frá 2009 um umsókn um inngöngu í Evrópusambandið væri bindandi fyrir sig.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Landráð Árna Páls - taugarnar að bresta
• Steindór Sigursteinsson: Verklag Utanríkisráðherra varðandi afturköllun aðildarumsóknar er innan lagaramma.