„Þetta er klárlega Ólafur Ólafsson sem rætt er um í þessu símtali sem vitnað er til. Þess utan er það þannig að það er sægur af öðrum gögnum sem benda á Ólaf Ólafsson. Það er ekki eins og málið standi og falli með þessu símtali.“

Þetta segir Björn Þorvaldsson saksóknari í samtali við mbl.is en hann sótti Al-Thani-málið fyrir hönd embættis sérstaks saksóknara.

Ingibjörg Kristjánsdóttir, eiginkona Ólafs Ólafssonar sem dæmur var í Hæstarétti í fjögurra og hálfs árs fangelsi fyrr á árinu fyrir aðild að málinu, fullyrðir í aðsendri grein í Fréttablaðinu í dag að í símtalinu sé ekki átt við eiginmann sinn heldur lögfræðing með sama fornafn sem sé sérfræðingur í lögum um kauphallarviðskipti. Björn segir þetta einfaldlega misskilning hjá Ingibjörgu.

Þrír fyrrverandi yfirmenn hjá Kaupþingi banka fengu fangelsisdóma vegna Al-Thani-málsins auk Ólafs. Ólafur hefur þegar hafið afplánun dómsins.

Frétt mbl.is: Segir Óla vera lögfræðing, ekki eiginmann sinn

Tengdar fréttir

Al Thani-málið

Yfirdeild MDE tekur Al-Thani málið fyrir á morgun

• Boðar ný gögn í málinu
• Ekki kerfisbrestur segir ráðherra
• Segir ríkið eiga næsta leik
• Gefi vonir um endurupptöku málsins

» Fleiri tengdar fréttir

• 1 blogg um fréttina

Bloggað um fréttina

• Jens Guð: Hver er vitlaus?