Éljagangur á Hellisheiði

Snjóþekja og éljagangur er á Hellisheiði og Þrengslum. Snjóþekja eða hálka er á öllu Suðurlandi og allt austur að Kirkjubæjarklaustri. Hálkublettir eru á öllu Suðvesturlandi.

Hálka eða hálkublettir eru á flestum vegum á Vesturlandi en snjóþekja er þó í uppsveitum Borgarfjarðar og þæfingur á Bröttubrekku.

Á Vestfjörðum er víða hálka, snjóþekja eða hálkublettir. Þæfingur er á Kleifaheiði.

Hálkublettir eru nokkuð víða á Norðurlandi vestra en vegir á  Norðausturlandi eru að mestu greiðfærir en hálkublettir eru þó á Hófaskarði og Hálsum.

Á Austurlandi eru vegir að mestu greiðfærir á láglendi en hálka er á Fjarðarheiði, Fagradal og Oddsskarði,  hálkublettir eru  Vatnsskarði eystra. Greiðfært er með suðausturströndina vestur að Kirkjubæjarklaustri.

Veðurspá fyrir næsta sólarhring:

Breytileg átt 3-8 m/s, skýjað með köflum og sums staðar dálítil él. Gengur í norðaustan 8-15 SA- og A-lands með snjókomu frá hádegi og fram undir kvöld. Hæglætisveður og yfirleitt þurrt í fyrramálið. Gengur í norðaustan 10-18 síðdegis á morgun með snjókomu eða slyddu, en hægari og áfram úrkomulaust á V-verðu landinu. Frost 0 til 5 stig, en allvíða frostlaust yfir hádaginn.

• 1 blogg um fréttina

Bloggað um fréttina

• Ómar Ragnarsson: Tákn páskanna í jólabúningi.