„Ég tel að Evr­ópu­sam­bandið sé að bregðast hár­rétt við bréfi okk­ar. Eins og kem­ur fram í svar­bréf­inu þá taka þeir mið af stefnu rík­is­stjórn­ar­inn­ar, það er al­veg skýrt, og ætli sér að fara í gegn­um sína ferla. Það þýðir ekk­ert annað að mínu mati en að þeir ætli að bregðast við ósk­um okk­ar.“

Þetta seg­ir Gunn­ar Bragi Sveins­son ut­an­rík­is­ráðherra í sam­tali við mbl.is. Ed­gars Rin­kevics, ut­an­rík­is­ráðherra Lett­lands, hef­ur svarað bréfi rík­is­stjórn­ar­inn­ar sem komið var til Evr­ópu­sam­bands­ins um miðjan mars. Lett­ar fara með for­sætið í ráðherr­aráði sam­bands­ins um þess­ar mund­ir. Fram kom í bréfi rík­is­stjórn­ar­inn­ar að Ísland væri ekki leng­ur um­sókn­ar­ríki að Evr­ópu­sam­band­inu að mati stjórn­ar­inn­ar og var óskað eft­ir því að sam­bandið tæki mið af því. Í svar­bréfi Rin­kevics kem­ur fram að tekið sé mið af af­stöðu Íslands. Með hliðsjón af bréf­inu verði til­tekn­ar breyt­ing­ar á verk­ferl­um ráðherr­aráðs Evr­ópu­sam­bands­ins tekn­ar til skoðunar.

„Ég tel þetta vera staðfest­ingu á því að við séum ekki leng­ur tal­in um­sókn­ar­ríki og mun­um smám sam­an hverfa af þess­um list­um yfir um­sókn­ar­ríki,“ seg­ir Gunn­ar Bragi. Fylgst verði náið með því að það gangi eft­ir en eðli­lega geti það tekið ein­hvern tíma. Hann seg­ist aðspurður ekki hafa átt von á öðrum viðbrögðum enda væri eitt­hvað und­ar­legt ef Evr­ópu­sam­bandið ætlaði ekki að taka mark á ósk­um rík­is­stjórn­ar lands­ins.

„En ég fagna því að þeir ætli sér að virða vilja ís­lenskra stjórn­valda enda ekki við öðru að bú­ast. Þeir hafa alltaf sagt að þeir myndu virða þann vilja. Þetta slær vit­an­lega líka á all­ar vanga­velt­ur um að bréf rík­is­stjórn­ar­inn­ar hafi ekki haft neina þýðingu,“ seg­ir Gunn­ar Bragi enn­frem­ur. Spurður hvort mál­inu sé þar með lokið seg­ist hann líta svo á.

„Ég get ekki túlkað þetta öðru­vísi en svo en að mál­inu sé lokið af hálfu Evr­ópu­sam­bands­ins líkt og raun­in er af okk­ar hálfu. Það eina sem eft­ir stend­ur er að hrinda því í fram­kvæmd að við för­um út af þess­um list­um yfir um­sókn­ar­ríki. Við mun­um að sjálf­sögðu fylgj­ast vel með því.“

AFP

Tengd­ar frétt­ir

Ísland og ESB

Þor­gerður Katrín: Tolla­stríð gagn­ast eng­um

• Til Brus­sel til að koma á eðli­leg­um sam­skipt­um
• Ótt­ast ein­angr­un og hóta neit­un­ar­valdi
• Vilja end­urupp­töku á viðræðum um aðild að ESB
• Sekta ekki skip sem upp­fylla ekki kröf­ur

» Fleiri tengd­ar frétt­ir

• 4 blogg um frétt­ina

Bloggað um frétt­ina

• Páll Vil­hjálms­son: Já Ísland: ekki þarf samn­ing til að taka af­stöðu
• Ómar Ragn­ars­son: "Þú átt að ganga, - ekki of hratt, og alls …
• Ólaf­ur Örn Jóns­son: Fyr­ir­sjá­an­leik­inn felst í því að eyðileggja eins mikið og þeir …
• Geir Ágústs­son: Rík­is­stjórn­inni tekst að berj­ast fyr­ir eig­in stefnu­máli