Katrín Sigurðardóttir, formaður Félags geislafræðinga, segir það af og frá að ætlun geislafræðinga sé að valda tjóni með verkfallsaðgerðum sínum eða taka lykilstofnanir í gíslingu.

„Mér finnst umræðan vera farin langt út fyrir eðlileg mörk og ekki vera sérstaklega málefnaleg þegar kastað er fram tölum um krabbameinssjúklinga og meðferðarúrræði þeirra. Það er séð til þess að allir fái sína meðferð og það ber að hafa í huga að allar vaktir utan hefðbundinna dagvakta, sem eru frá átta á morgnana til fjögur á daginn, eru fullmannaðar. Þar fyrir utan eru gerðar undanþágur í neyðar- og bráðatilvikum,“ segir Katrín.

Bjarni Benediktsson fjármálaráðherra sagði á Alþingi í gær að ekki væri eðlilegt að lykilstofnanir í samfélaginu væru teknar í gíslingu í verkfallsaðgerðum og að hátt í 100 manns fengju ekki krabbameinsmeðferð sökum þess.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir