Nýtt kuldaskeið gæti tekið við

Spáð er vetrarríki um landið norðanvert að minnsta kosti næstu viku og hitastigi um eða undir frostmarki.

Páll Bergþórsson, fyrrverandi veðurstofustjóri, segir að vísbendingar séu um að á næstu árum geti tekið við nýtt kuldatímabil eftir um 25 ára hitaskeið.

„Það er dálítið meiri kuldi í sjónum hérna suðvesturundan og hann er þrálátur þegar hann er byrjaður,“ segir Páll í fréttaskýringu um veðurfarið í framtíðinni í Morgunblaðinu í dag.