Ölvaður á 113 km hraða

Lögreglan á höfuðborgarsvæðinu stöðvaði för bifreiðar á Reykjanesbraut við Arnarnesveg  um ellefu leytið í gærkvöldi en bifreiðin hafði mælst á 113 km/klst.  Á þessum stað er leyfður hámarkshraði 80 km/klst.  Ökumaðurinn grunaður um ölvun við akstur.

Á öðrum tímanum í nótt var tilkynnt um innbrot á veitingastað  í Kópavogi. Þar var stolið fartölvu og skiptimynt.

 Lögreglan stöðvaði för bifreiðar í miðborginni á þriðja tímanum í nótt eftir að henni hafði verið ekið gegn biðskyldu fyrir lögreglubifreið.

Ökumaðurinn er próflaus, hefur aldrei öðlast réttindi og grunaður um akstur bifreiðar undir áhrifum fíkniefna.

• Blogga um frétt