Þeir sem koma á Landspítala með bráð hjartavandamál fá tafarlausa þjónustu, þar með talið bráða hjartaþræðingu ef það er talið nauðsynlegt, þrátt fyrir yfirstandandi verkfall BHM, segir Davíð O. Arnar, yfirlæknir hjartalækninga.

Hann segir það sem betur fer afar sjaldgæft að sjúklingar deyi ótímabærum dauðdaga á meðan þeir eru á biðlista eftir þræðingu. Sjúklingum á biðlistum er forgangsraðað þannig að ef ástand sjúklings versnar er hægt að bregðast við með því að flýta hjartaþræðingunni og bráðasjúklingum er ávallt sinnt tafarlaust.

Ingibjörg Guðmundsdóttir, yfirlæknir hjartaþræðinga, og Davíð segja að verkfall BHM hafi mjög slæm áhrif víða á Landspítala, ekki síst á hjartaþræðingastofu. Fáir séu kallaðir inn af biðlistum fyrir hjartaþræðingar og önnur inngrip eins og brennsluaðgerðir og gangráðsísetningar. Þetta valdi töfum á greiningu og meðferð sjúklinga sem sé auðvitað óæskilegt.

Tengdar fréttir

Kjaraviðræður

Viðræður ekkert þokast frá því á þriðjudag

• 58% styðja verkfallsaðgerðir kennara
• Sólveig Anna furðar sig á aðferðum kennara
• Viðræður í Karphúsinu ganga misvel
• Svona verður verkfall lækna á Akureyri

» Fleiri tengdar fréttir