Árið 2008 var mikið lánað til „Péturs og Páls út í bæ“ til kaupa á hlutabréfum í Kaupþingi með veði í hlutabréfum bankans. Eftirlit áhættustýringar vegna þessara viðskipta virkaði ekki og sviðið skipti sér ekkert af þessum lánveitingum nema að litlum hluta.

Þetta kom fram í samantekt frá yfirheyrslu sérstaks saksóknara yfir Lilju Steinþórsdóttur, fv. yfirmanns í innri endurskoðun Kaupþings, sem sýnd var þegar Lilja kom og bar vitni í stóra markaðsmisnotkunarmáli Kaupþings í dag.

Sagði Lilja að mörg þessara félaga sem hafi verið lánað til hafi verið ný og að veðin hafi verið bréfin sjálf. Í slíkum tilfellum kvað reglubókin á um að félögin skyldu sett á undanþágulista. Með því hafi áhættustýring ekki skipt sér mikið af þeim. Haft var eftir Lilju að með þessu hafi áhættustýring verið læst í gömlum vinnuaðferðum og að skort hafi lánshæfismöt vegna útlánanna. Í svörum til verjanda sagði Lilja að kerfið hafi ekki ráðið við öll útlán.

Tengdar fréttir

Kaupþingsmenn fyrir dómi

„Ánægjuleg niðurstaða sem kemur ekki á óvart“

• MDE: Brotið á réttindum Bjarka í Kaupþingsmáli
• Endurupptökubeiðni Einars Pálma hafnað
• Mál Ingólfs og Bjarkar fyrir MDE
• Bótamál gegn fyrrverandi stjórnendum felld niður

» Fleiri tengdar fréttir

• 1 blogg um fréttina

Bloggað um fréttina

• Sigurður Haraldsson: Ein spurning?