Verðbólga í maí gæti mælst minni en ella vegna þess að væntanlegra verðbólguáhrifa hækkandi íbúðarverðs mun ekki gæta að fullu.

Ástæðan er sú að sárafáum kaupsamningum vegna húsnæðis hefur verið þinglýst í apríl vegna verkfalls félagsmanna í BHM hjá Sýslumanninum í Reykjavík.

Húsnæðisliðurinn í vísitölu neysluverðs hefur að miklu leyti skýrt hækkun vísitölunnar að undanförnu. Það hefur birst í því að án húsnæðisliðarins hefði verið verðhjöðnun suma mánuði. Raunverð húsnæðis á höfuðborgarsvæðinu hefur verið á stöðugri uppleið og spá greiningardeildir bankanna frekari hækkunum í ár. Út frá því má leiða líkur að því að tafir á birtingu upplýsinga um nýja samninga hafi í för með sér að fasteignaverð sé vanmetið í húsnæðisliðnum, að því er fram kemur í umfjöllun um áhrif verkfallsaðgerða í Morgunblaðinu í dag.

Tengdar fréttir

Kjaraviðræður

„Oft hefur verið þörf en nú er nauðsyn“

• „Ýkjukennt“ að segja viðræður „í rífandi gangi“
• Kjaraviðræður kennara „seinlegt verkefni“
• Samið um 3,5% launahækkun
• Læknar samþykkja nýjan kjarasamning

» Fleiri tengdar fréttir