Kjötskortur er yfirvofandi á Íslensku Hamborgarafabrikkunni á næstu dögum samkvæmt upplýsingum frá Jóhannesi Ásbjörnssyni, einum eigenda staðarins. Aðeins er notað íslenskt kjöt í hamborgara á staðnum, en víða er vöntun á kjöti vegna verkfalls dýralækna.

„Þetta er ekki búið, en það styttist í það,“ segir Jóhannes. Hann segir ekki ljóst hvort loka þurfi staðnum á einhverjum tímapunkti en ítrekar að allt verði gert til að koma í veg fyrir það.

Sjá frétt mbl.is: Taka einn dag í einu á KFC

„Við erum að skoða hvað við getum gert sniðugt þegar, eða ef, allt verður búið. Þó hamborgararnir séu fyrirferðarmestir á matseðlinum erum við samt sem áður með talsvert mikið af öðrum réttum sem við reynum að keyra á í millibilsástandinu.“

Hann segir ekki hægt að setja niður nákvæma dagsetningu þar sem kjötleysið hefst, en býst þó við að ekki sé ýkja langt í það.

„Eftirspurnin sveiflast auðvitað svolítið eftir dögum. Hins vegar fer þetta líklega að verða uppurið undir lok næstu viku,“ segir Jóhannes.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• 1 blogg um fréttina

Bloggað um fréttina

• sleggjuhvellur: Matvælaöryggi er bara lýgi