Skrifað var undir kjarasamning í Karphúsinu í morgun hjá kennurum við Tækniskólann og vöfflur bakaðar af því tilefni, eins og venja er. Vöffluilmurinn olli hálfgerðu uppnámi í húsinu þar sem samninganefndir SA, Flóans, VR, BHM og ríkisins sátu á fundum.

„Hér spruttu menn fram úr fundarherbergjunum, þegar þeir fundu ilminn,“ segir Elísabet Ólafsdóttir, skrifstofustjóri Ríkissáttasemjara, létt í bragði, í samtali við mbl.is, en viðbrögð samninganefndarmanna segja kannski ákveðna sögu um spennustigið í viðræðunum, sem fara fram í skugga boðaðra verkfallsaðgerða.

Kl. 9 í morgun hófst fundur Samtaka atvinnulífsins (SA) við Flóabandalagið, VR og Landssamband ísl. verslunarmanna. Um svonefndan vinnufund er að ræða og svipaður fundur hófst síðan kl. 10 í kjaradeilu ríkisins og BHM, Bandalags háskólamanna.

Tengdar fréttir

Kjaraviðræður

Skilja lítið í verkfalli og segja börnum mismunað

• Erfiðlega gekk að setja fund í borgarstjórn
• „Skapa ójafnræði og óréttlæti“
• Börnum mismunað: Kjaradeilan verði leyst án tafar
• „Það er engin ákveðin hreyfing í deilunni“

» Fleiri tengdar fréttir

• 1 blogg um fréttina

Bloggað um fréttina

• Tómas Ibsen Halldórsson: Ilmurinn af nýbökuðum vöfflum ætti að vera hvatning til að …