Forystumenn VR, Eflingar og BHM segja að ekki verði lengra haldið í kjaraviðræðunum nema að Samtök atvinnulífsins og ríkið setji hugmyndir um breytt fyrirkomulag vinnutíma og launa til hliðar.

Sigurður Bessason, formaður Eflingar, segir að vegna áherslu Samtaka atvinnulífsins á að ræða vinnutíma en ekki launakröfur séu menn „komnir upp að vegg í viðræðunum“. Ólafía B. Rafnsdóttir, formaður VR, segir að ef hugmyndir SA um breytta skilgreiningu á vinnutíma og launum séu teknar af dagskrá „sé vel hægt að ná samningum“. Páll Halldórsson, formaður BHM, segir hugmyndir samninganefndar ríkisins um breyttan vinnutíma svo óljósar að ekki sé hægt að ræða um tilboð.

Ekki náðist í Þorstein Víglundsson, framkvæmdastjóra SA, vegna málsins. Eftir helgina hefst ný lota verkfalla sem gæti náð hámarki með allsherjarverkföllum 6. júní, að því er fram kemur í umfjöllun um kjaraviðræðurnar í Morgunblaðinu í dag.

Tengdar fréttir

Kjaraviðræður

Verkfalli lækna aflýst á síðustu stundu

• Verkföllum lækna aflýst
• „Sá vegur er bæði háll og myrkur“
• „Við höldum áfram þangað til við erum búin“
• Í kappi við tímann að reyna að afstýra verkfalli

» Fleiri tengdar fréttir