Fundi BHM og ríkisins lauk nú um klukkan 17 í dag og segir Páll Halldórsson formaður samninganefndar BHM að tillaga ríkisins á fundinum sé skref fram á við.

„Ríkið lagði fram ákveðnar hugmyndir sem við ætlum að skoða betur. Við munum taka þetta til skoðunar og hitta þá aftur á morgun. Við hittumst um klukkan 10 í fyrramálið og hittum svo samninganefnd ríkisins sennilega um klukkan 15,“ segir Páll.

Aðspurður hvernig tillaga ríkisins hafi verið, segir hann tillöguna hafa verið skref fram á við. „Við metum það svo að þetta sé frekar skref fram á við. Þetta er í átt til lausnar ef við orðum það þannig.“ Spurður hvort tillagan sé ólík fyrri tillögum, svarar Páll að hún sé frekar framhald á fyrri tillögum.

Tengdar fréttir

Kjaraviðræður

Skilja lítið í verkfalli og segja börnum mismunað

• Erfiðlega gekk að setja fund í borgarstjórn
• „Skapa ójafnræði og óréttlæti“
• Börnum mismunað: Kjaradeilan verði leyst án tafar
• „Það er engin ákveðin hreyfing í deilunni“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Hætta störukeppninni! Koma svo!