Jó­hanna María Sig­munds­dótt­ir, þing­kona Fram­sókn­ar­flokks­ins, hef­ur lagt fram fyr­ir­spurn á Alþing­is þar sem óskað er eft­ir svör­um frá ut­an­rík­is­ráðherra um hvenær Evr­ópu­stofu verði form­lega lokað og starf­semi henn­ar lögð niður.

Nú­ver­andi samn­ing­ur um rekst­ur Evr­ópu­stofu renn­ur út í lok ág­úst á þessu ári, en stækk­un­ar­deild Evr­ópu­sam­bands­ins hef­ur eng­in áform um að bjóða út rekst­ur­inn á nýj­an leik, eins og mbl.is greindi frá í byrj­un maí­mánaðar.

Evr­ópu­stofa tók til starfa í upp­hafi árs 2012 í tengsl­um við um­sókn Íslands um inn­göngu í Evr­ópu­sam­bandið. Rekst­ur henn­ar var boðinn út og var í kjöl­farið samið við ís­lenska al­manna­tengsla­fyr­ir­tækið At­hygli og þýska al­manna­tengsla­fyr­ir­tækið Media Consulta. At­hygli sagði sig frá verk­efn­inu á síðasta ári og var í kjöl­farið öll­um starfs­mönn­um Evr­ópu­stofu sagt upp störf­um. Media Consulta hef­ur síðan séð al­farið um rekst­ur­inn.

Samn­ing­ur­inn um rekst­ur Evr­ópu­stofu var til tveggja ára með fjár­fram­lagi upp á allt að 1,4 millj­ón­ir evra eða rúm­lega 200 millj­ón­ir króna. Sam­kvæmt samn­ingn­um var heim­ilt að fram­lengja hann til tveggja ára. Það er fram á þetta ár. Verði ákveðið að halda rekstri Evr­ópu­stofu áfram þarf því að bjóða verk­efnið út á nýj­an leik.

Tengd­ar frétt­ir

Ísland og ESB

Þor­gerður Katrín: Tolla­stríð gagn­ast eng­um

• Til Brus­sel til að koma á eðli­leg­um sam­skipt­um
• Ótt­ast ein­angr­un og hóta neit­un­ar­valdi
• Vilja end­urupp­töku á viðræðum um aðild að ESB
• Sekta ekki skip sem upp­fylla ekki kröf­ur

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Júlí­us Már Bald­urs­son: Það er svo lítið að.......