Settu X í stað launahækkana
Setja bókamerki
„Þeir drógu tilboðið til baka með þeim hætti að þeir lögðu fram nýtt tilboð en í staðinn fyrir launhækkanir með dagsetningum voru komin X í staðinn. Það jafngildir því að þeir hafa dregið fyrra tilboðið til baka án þess að koma með nýtt í staðinn.“
Þetta segir Páll Halldórsson, formaður samninganefndar BHM aðspurður um fregnir þess efnis að að samninganefnd ríkisins hafi dregið til baka fyrra tilboð sitt um launabreytingar.
„Það var því ekki til neins að sitja yfir þessu áfram hjá ríkissáttasemjara. Hann þarf bara að meta það hvenær boða eigi til næsta fundar,“ segir Páll.
Aðspurður hvort hann geri sér grein fyrir hvort það verði í vikunni eða um helgina segir Páll ómögulegt að segja til um það. „Í þessum málum er tíminn eitthvað sem maður getur aldrei spáð fyrir um.“
Í tilkynningu sem barst frá BHM fyrr í dag er það kallað „furðuleg staða“ að eftir átta vikna verkfall liggi ekki tilboð um launahækkanir á borðinu. Páll tekur undir það.
„Þetta er afar sérstakt og kom okkur verulega á óvart. Það hefði ekki komið okkur á óvart, miðað við gang mála, að fá tilboð sem við erum ekki sátt við, það er eitt. En það að það séu engar tölur í boði, það kom okkur verulega á óvart.“
Fullvissa ferðamenn um að hér sé öruggt
Hótar Bretum og Bandaríkjamönnum
Litlar líkur á að hraunið nái til mannvirkja
Dómur þyngdur um þrjú ár
Þarf að koma til móts við ólíkar þarfir lækna
Hentugt gos fyrst gýs á annað borð
Nýtt fangelsi í landi Stóra-Hrauns tilbúið 2028