Skagafjörður: Fyrirgefðu!

Birgitta Jónsdóttir, kapteinn Pírata, biður Skagfirðinga afsökunar í pistli á Facebook síðu sinni í dag á því að hafa gefið í skyn að Skagafjörður sé mafíusamfélag. Rót málsins má rekja til þess þegar hún birti grein af fréttamiðlinum stundinni og bætti við ummælum um að Skagafjörður væri Sikiley Íslands.

Í dag endurbirtir hún grein sem hún birti upphaflega þann 18. maí þar sem hún taldi sig hafa beðist forláts á orðum sínum. Eins og mbl.is greindi frá í morgun samþykkti byggðarráð Skagafjarðar hinsvegar ályktun á fundi sínum í gær þar sem þess var krafist að hún bæðist opinberlega afsökunar. 

Vilja að Birgitta biðjist afsökunar

„ Ég hélt að ég hefði beðist forláts á orðum mínum með greininni en hef ekki kveðið nægilega fast að orði: "Kannski er þetta djúpt í árina tekið, kannski hef ég móðgað einhverja eða sært. Það var ekki ætlunin." En hér kemur það hreint og beint: Elsku Skagafjöður og allt fólkið sem þar býr: Fyrirgefðu! <3,“ skrifar Birgitta við færslu sína í dag.

Færslu Birgittu má lesa í heild sinni hér. 

• 2 blogg um fréttina

Bloggað um fréttina

• sleggjuhvellur: Hörundsárir
• Ómar Ragnarsson: Birgitta maður að meiri.