„Það eru veruleg vonbrigði að þurfa að ganga til þessa verks með þessum hætti,“ sagði Sigurður Ingi Jóhannsson, sjávarútvegs- og landbúnaðarráðherra, er hann mælti fyrir frumvarpi til laga kjaramál félagsmanna tiltekinna stéttarfélaga innan BHM og Félags íslenskra hjúkrunarfræðinga.

Hann sagði hins vegar ljóst, að ríkir almannahagsmunir séu í húfi og ríkar ástæður fyrir því að grípa inn í verkfallsaðgerðir félaganna. „Inngrip Alþingis er því miður nauðsynlegt til að tryggja þá hagsmuni sem hér eru undir, bæði þjóðfélagslega, efnahagslega og einnig fyrir vinnumarkaðinn í heild sinni,“ sagði Sigurður. 

Hann sagði, að í frumvarpinu væri farin sú leið, sem sé nokkuð hefðbundin, að gefa deiluaðilum færi á að leysa úr sínum ágreiningi fyrir tilsettan tíma - 1. júlí nk. - ella verði kjaradeilan lögð í gerðardóm. 

„Til að stuðla að aukinni sátt um ákvörðun gerðardóms, er í frumvarpi þessu farin sú leið að skipa gerðardóm til að leysa úr ágreiningi aðila. Hann skal skipaður þremur fulltrúum sem tilnefndir af Hæstarétti. Hann skal ljúka störfum eigi síðar en 15. ágúst.

Tengdar fréttir

Kjaraviðræður

Verkfalli lækna aflýst á síðustu stundu

• Verkföllum lækna aflýst
• „Sá vegur er bæði háll og myrkur“
• „Við höldum áfram þangað til við erum búin“
• Í kappi við tímann að reyna að afstýra verkfalli

» Fleiri tengdar fréttir

• 1 blogg um fréttina

Bloggað um fréttina

• Þorsteinn Siglaugsson: Neyðarúrræði, en hvað svo?