„Með þessu er bara verið að slökkva einhverja elda. Það vantar enn heildstæða lausn á því sem nú á sér stað innan heilbrigðiskerfisins,“ segir Áslaug Arnoldsdóttir, hjúkrunarfræðingur á gjörgæsludeild Landspítalans við Hringbraut.

Hún er einn þeirra hjúkrunarfræðinga sem þegar hafa sagt starfi sínu lausu í kjölfar lagasetningar á verkfallsaðgerðir Félags íslenskra hjúkrunarfræðinga og Bandalags háskólamanna (BHM). Á gjörgæsludeild Landspítalans í Fossvogi höfðu allir þeir sex hjúkrunarfræðingar sem voru á dagvakt í gær sagt upp störfum.

Björg Thorarensen, prófessor við lagadeild HÍ, segir fordæmi fyrir því að launþegahreyfing fari í mál vegna lagasetningar á verkfall og Hæstiréttur hafi staðfest að verkfallsrétturinn sé stjórnarskrárvarinn en einnig að Alþingi hafi heimild til lagasetningar á verkföll. Í gærkvöldi hafði ekkert verið ákveðið um áframhaldandi fundahöld í kjaradeilum félaganna tveggja við íslenska ríkið, að því er fram kemur í umfjöllun um þessi mál í Morgunblaðinu í dag.

Tengdar fréttir

Kjaraviðræður

Aftur samþykkja læknar verkfall

• Kröfugerðin skýr en upphæðin ekki
• „Það var ekki dæmt löglegt að mismuna börnum“
• Fullt út úr dyrum á baráttufundi kennara
• Kennarar tilbúnir í langvinna baráttu

» Fleiri tengdar fréttir