Segir mótmælendur hafa skemmt fyrir

„Allir hafa rétt til að mótmæla, en það er samt staður og stund fyrir allt,“ skrifar Björn Ingi Hrafnsson, útgefandi DV, á Facebook-síðu sína. Þar lýsir hann því yfir að honum þyki dapurlegt að „forseti Íslands geti ekki lagt blómsveig að styttu Jóns Sigurðssonar, forsætisráðherra flutt hátíðarávarp, fjallkonan farið með ljóð og tónlistarfólk flutt þjóðsönginn á sjálfan 17. júní án þess að fámennur hópur skemmi fyrir með því að púa, berja í bumbur og búa til annan hávaða.“

Spyr hann hvort hinn „þögli meirihluti þjóðarinnar“ sé sammála sér og óskar eftir því að fólk setji „like“ við færsluna ef svo sé. Rúmlega fjögur hundruð hafa sett „like“ við færsluna, þar á meðal Brynjar Níelsson, alþingismaður, og Sigurður Már Jónsson, upplýsingafulltrúi ríkisstjórnarinnar. Þá hafa fjölmargir sagt skoðun sína á færslu Björns Inga, og virðast flestir sem þar tjá sig vera sammála honum. 

Eins og fram hef­ur komið sóttu á milli 2.500 og 3.000 manns mót­mæl­in á Aust­ur­velli sem fóru fram sam­hliða hefðbund­inni þjóðhátíðardag­skrá. Mót­mæl­end­ur trommuðu tak­fast, blésu í lúðra og bauluðu á meðan á at­höfn­inni stóð, jafnt und­ir ræðu Sig­mund­ar Davíðs Gunnlaugssonar forsætisráðherra sem og und­ir þjóðsöngn­um. 

• 4 blogg um fréttina

Bloggað um fréttina

• Kristbjörn Árnason: Þjóðhetja yfirstéttarinnar
• Magnús Helgi Björgvinsson: Í sambandi við þessi skrif Björns Inga!
• Jóhann Elíasson: SKRÍLSLÆTIN Á AUSTURVELLI 17JÚNÍ ÞJÓÐINNI TIL ÆVARANDI SKAMMAR
• Jón Ragnarsson: Vælubíllinn á fullu...