Fundu grundvöll til að byggja á
Setja bókamerki
Samninganefnd ríkisins og Félag íslenskra hjúkrunarfræðinga skoða nú nýja útfærslu á samningsatriðum sem áður höfðu verið lögð fram í kjaraviðræðum deiluaðilanna. Fundurinn hefur staðið frá því klukkan níu í morgun og því ljóst að eitthvað virðist mjakast áfram og hafa deiluaðilar fundið sameiginlegan grundvöll til að byggja viðræðurnar áfram á.
Ólafur G. Skúlason, formaður FÍH, segir í samtali við mbl.is að meðan menn ræði saman séu það jákvæðar fréttir. Aðspurður um hvað hafi verið rætt í dag segist hann ekki geta farið út í sérstök efnisatriði. „Menn eru að ræða saman og skoða ákveða útfærslu á því sem áður hafði verið lagt fram,“ segir hann.
Þá telur hann að deiluaðilar hafi fundið grundvöll til að byggja áframhaldandi viðræður á, en hann segir þessa nýju útfærslu vera lykilinn þar að.
Börn hafi engan rétt á leikskólakennslu
„Má segja að þetta gos hafi þjófstartað“
Litlar líkur á að hraunið nái til mannvirkja
Hótar Bretum og Bandaríkjamönnum
Hraun kemur úr þremur gígum: Virknin stöðug
Virknin dregist saman um 600 metra
Yfir 300 stæði fóru undir hraun
Hraunið við bílastæði Bláa lónsins