Staða BHM enn óbreytt
Setja bókamerki
Ekki hefur verið boðaður nýr fundur í kjaradeilu BHM og ríkisins, og er staðan óbreytt að sögn Páls Halldórssonar, formanns samninganefndar félagsins. „Þetta er það sama og hefur verið á borðinu undanfarið og okkur hefur ekki borist neitt nýtt,“ segir hann.
Félagið fundaði með samninganefnd ríkisins hjá ríkissáttasemjara í gær, en fundurinn hófst klukkan þrjú og lauk stuttu síðar. Eins og fram hefur komið undirrituðu hjúkrunarfræðingar nýjan kjarasamning við ríkið um klukkan 22 í gærkvöldi. Aðspurður segist Páll ekki vilja tjá sig um þá samninga, eða hvort þeir veiti fordæmi, en ítrekar að ekkert nýtt hafi komið fram af hálfu ríkisins.
En hvað fól síðasta tilboð í sér? „Munur lágmarkslauna fyrir ófaglærða og háskólamenn var um það bil 25% en ef við hefðum tekið síðasta tilboði hefði það farið í ríflega 6%. Með það í huga að markmið okkar sé að menntun sé metin til launa þá fannst okkur það ekki ásættanlegt.“
Þá segir Páll samningsnefnd BHM alltaf vera tilbúna í að funda „ef ríkið hefur eitthvað gott að bjóða okkur.“ Hann segist þó ekki telja líklegt að ríkið muni koma fram með nýjar tillögur fram að mánaðarmótum, en þá fer málið fyrir gerðardóm.
Frétt mbl.is: Ekki bjartsýnn á niðurstöðu
Stjórnvöld stíga ekki inn í kjaradeilurnar
Kílómetragjald: „Mikilvægt að málið verði klárað fyrir þinglok“
Þungt hugsi yfir ofbeldinu
„Þetta var hræðileg stund“
Ný könnun: Sjálfstæðisflokkur dalar enn
Oddvitaviðtöl í Reykjavík suður
Alvarlega veikar og greindust að lokum með alnæmi
Engin læknisþjónusta á heilsugæslunni í verkfalli