Kaf­teinn Pírata, Birgitta Jóns­dótt­ir, lýsti yfir stuðning við grísku þjóðina á Alþingi í dag og hvatti hana til þess að fylgja hjarta sínu í þjóðar­at­kvæðagreiðslu sem fyr­ir­huguð er í Grikklandi á sunnu­dag­inn. Þar verða greidd at­kvæði um það hvort fall­ast eigi á skil­yrði alþjóðlegra lána­drottna lands­ins fyr­ir frek­ari lána­fyr­ir­greiðslum.

„Í ljósi þess að Evr­ópu­sam­bandið hef­ur verið að hvetja grísku þjóðina til þess að fara gegn vilja for­sæt­is­ráðherra lands­ins þá lang­ar mig til að lýsa yfir stuðningi við grísku þjóðina og hvetja þau til þess að fylgja hjarta sínu í þeirri þjóðar­at­kvæðagreiðslu sem mun eiga sér stað fljót­lega,“ sagði Birgitta. Hvatti hún þing­menn til þess að styðja Grikki, sem alþjóðleg­ir lána­drottn­ar lands­ins hefðu farið mjög illa með, sem og aðrar þjóðir í sömu stöðu.

Birgitta minnti á að staðan í Grikklandi sýndi hvernig hefði getað farið hér á landi. Íslend­ing­um hefði hins veg­ar tek­ist að vinna úr erfiðum tím­um og væru nú að ná sér á strik. Lána­drottn­ar Grikk­lands ætluðu sér að ætla að leysa úr skulda­mál­um lands­ins með því að setja enn meiri skuld­ir á herðar grísku þjóðar­inn­ar sem væri fjar­stæðukennd leið til þess.

Tengd­ar frétt­ir

Grikk­land

Ferðamönn­um boðið frítt til Grikk­lands

• Grikk­ir ganga til kosn­inga
• Sprengju­til­ræði í Aþenu
• Efna­hagsaðstoð við Grikki lokið
• Ekk­ert sam­komu­lag um af­skrift­ir

» Fleiri tengd­ar frétt­ir

• 3 blogg um frétt­ina

Bloggað um frétt­ina

• S i g u r ð u r S i g u r ð a r s o n: Já, lát­um hjartað ráða ... eða skyn­sem­ina ... nei, hjartað …
• Heims­sýn: Birgitta Jóns­dótt­ir: Sýn­um grísku þjóðinni sam­stöðu
• Valdi­mar Samú­els­son: Kaptain Pírata Birgitta seg­ir að það sé göf­ugt að gefa …