Áhugafólk reytir lúpínu úr mosanum

Áhugafólk um náttúruvernd slítur lúpínu upp úr mosanum við hringveginn um Eldhraun.

Tilgangurinn er að reyna að varðveita gamburmosann og einstakt vistkerfi svæðisins.

Snorri Baldursson, líffræðingur og formaður Landverndar, telur ýmislegt benda til að einhver hafi gert sér að leik að sá lúpínu meðfram veginum, austan við ána Brest. Vonast hann til að hægt verði að hreinsa það upp í sumar. Stórtækari aðgerðir þarf á lúpínubreiðurnar vestan við Brest, að því er fram kemur í umfjöllun um mál þetta í Morgunblaðinu í dag.