Sigmundur Davíð Gunnlaugsson forsætisráðherra mun eiga fundi með Jean-Claude Juncker, forseta framkvæmdastjórnar Evrópusambandsins, og Donald Tusk, forseta leiðtogaráðs sambandsins, í Brussel í vikunni.

Fyrri fundur forsætisráðherra er í dag en þá hittir hann Juncker. Hann mun síðan funda með Tusk á föstudaginn. Þetta eru fyrstu fundir Sigmundar Davíðs með leiðtogum Evrópusambandsins eftir að Gunnar Bragi Sveinsson utanríkisráðherra tilkynnti Evrópusambandinu, fyrir hönd ríkisstjórnarinnar, um miðjan marsmánuð á þessu ári að Ísland væri ekki lengur umsóknarríki. Fór hann fram á að landið yrði tekið af lista sambandsins yfir slík ríki.

Í maí síðastliðnum fjarlægði Evrópusambandið síðan Ísland af lista sínum yfir umsóknarríki, samkvæmt vefsíðu sambandsins.

Samkvæmt heimildum mbl.is verður rætt um samband Íslands og Evrópusambandsins í ljósi þessarar breyttu stöðu á fundunum.

Einnig verða samskipti Íslands og sambandsins rædd, meðal annars framkvæmd EES-samningsins og möguleikar á auknu samstarfi á öðrum sviðum.

Einnig verða efnahagsmál og norðurslóðir til umræðu, sem og staða mála í Evrópu sem er mjög í deiglunni nú um stundir, sér í lagi í Grikklandi. Þá mun forsætisráðherra kynna sér starfsemi Eftirlitsstofnunar EFTA.

Sigmundur Davíð átti síðast opinbera fundi í Brussel árið 2013, samkvæmt upplýsingum mbl.is.

Jean-Claude Juncker, forseti framkvæmdastjórnar Evrópusambandsins. AFP

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Gunnlaugur I.: Hittir hann "Juncker the Drunker"