Sigmundur Davíð Gunnlaugsson forsætisráðherra segir að jafnvel þó svo að Ísland sé ekki lengur umsóknarríki að Evrópusambandinu, þá sé sambandið á milli landsins og ESB sterkt. Áfram verði byggt á því.

Á Twittersíðu sinni segist forsætisráðherra hafa átt mjög góðan fund með Jean-Claude Juncker, forseta framkvæmdastjórnar Evrópusambandsins, í Brussel í dag.

Þetta er fyrsti fundur forsætisráðherra með leiðtogum sambandsins eftir að ríkisstjórnin tilkynnti þeim í marsmánuði að Ísland væri ekki lengur umsóknarríki.

Í maí síðastliðnum fjar­lægði Evr­ópu­sam­bandið síðan Ísland af lista sín­um yfir um­sókn­ar­ríki, sam­kvæmt vefsíðu sam­bands­ins.

Á fundinum voru samskipti Íslands og Evrópusambandsins rædd, meðal annars framkvæmd EES-samningsins og möguleikar á auknu samstarfi á öðrum sviðum. Einnig voru efnahagsmál og norðurslóðir til umræðu, sem og staða mála í Evrópu sem er mjög í deiglunni nú um stundir.

Í fyrramálið mun forsætisráðherra eiga fund með Donald Tusk, forseta leiðtogaráðs Evrópusambandsins.

A very good meeting today with @JunckerEU - Even though Iceland is no longer an EU applicant we will build on an already strong relationship

— Sigmundur Davíð (@sigmundurdavid) July 9, 2015

Frétt mbl.is: Horfa til framtíðar í Brussel

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 3 blogg um fréttina

Bloggað um fréttina

• Jón Ingi Cæsarsson: Tvöfaldi forsætisráðherrann Sigmundur Davíð.
• Kristbjörn Árnason: Fyndnar yfirlýsingar
• Njörður Helgason: Maturinn eitraður.