„Kraninn flaug af bílnum“

Mildi þykir að ekki fór verr þegar vörubíll með krana keyrði á brúna milli Kópavogs og Garðabæjar á Hafnarfjarðarvegi í dag. „Vörubíllinn var á hægri akrein og ég var fyrir aftan hann á þeirri vinstri. Hann var sennilega á 80 kílómetra hraða og kraninn á bílnum var líklega of hátt uppi því hann fór beint í brúna,“ segir Jóhann Jean Le Sage við mbl.is.

„Kraninn flaug af bílnum og endaði á veginum fyrir aftan. Kraninn hefði flogið á framrúðuna hjá mér ef ég hefði verið á hægri akrein.“ Vörubíllinn stoppaði eftir þetta, enda var brak út um allt á veginum og kranaarmurinn lá hægra megin á veginum.

„Bílstjórinn stökk út en það var í góðu lagi með hann, honum brá bara. Þetta var mjög harkalegt og bíllinn hans var frekar skemmdur eftir þetta,“ segir Jóhann.

Myndin tengist fréttinni ekki beint. mbl.is/Ernir

• 1 blogg um fréttina

Bloggað um fréttina

• Einar Þór Strand: Klessa á !!!!!!!