Bíll við bíl á Breiðholtsbraut

Umferðin hreyfist afar hægt á Breiðholtsbraut þessa stundina. Þar er bíll við bíl alveg upp að Suðurlandsvegi.

Ártúnsbrekka er enn lokuð upp til austurs, en unnið er að því að koma vöruflutningabíl, sem valt þar á hliðina á níunda tímanum í morgun, á réttan kjöl. Möl sem hann flutti dreifðist um stóran hluta vegarins. Opnað verður fyrir umferð upp Ártúnsbrekkuna klukkan tólf.

Fjölmargir eru á leiðinni út á land í helgarfríinu en sitja nú fastir í umferðinni á helstu götum í nágrenninu, svo Breiðholtsbrautinni og Stekkjarbakka.

Strætó hefur vakið athygli á því að strætisvagnar þurfi að aka aðra leið að Ártúni en venjulega og af þeim völdum seinkar vögnunum.

Uppfært: Opnað hefur verið fyrir umferð upp Ártúnsbrekku til austurs.

Fréttir mbl.is:

Opnað fyrir umferð í Ártúnsbrekku

Umfangsmiklar aðgerðir í Ártúnsbrekku

Ártúns­brekka lokuð í austurátt

• 1 blogg um fréttina

Bloggað um fréttina

• Erlingur Alfreð Jónsson: #258. Veikleiki