Innlent | mbl | 6.8.2015 | 19:47 | Uppfært 20:59

Reykjavík í regnbogalitunum

Mynd 1 af 12 Blómlegur regnbogafáni blasir við frá Hringbraut. Þórður Arnar

Mynd 2 af 12 Miðbær Reykjavíkur er aldrei eins litríkur og á Hinsegin dögum. Þórður Arnar

Mynd 3 af 12 Regnboginn á Skólavörðustíg hefur vakið mikla athygli. Þórður Arnar

Mynd 4 af 12 Ef vel er að gáð sést að einhver hefur lagt sig flatan á Skólavörðustíg til að njóta regnbogans. Þórður Arnar

Mynd 5 af 12 Fyrirtæki í miðborginni láta ekki sitt eftir liggja. Þórður Arnar

Mynd 6 af 12 Gulur, rauður, grænn og blár og allir hinir líka. Þórður Arnar

Mynd 7 af 12 Gengið er undir regnbogafána að ráðhúsinu í Reykjavík. Þórður Arnar

Mynd 8 af 12 Regnboginn sýnir sig einnig yfir Austurvelli. Þórður Arnar

Mynd 9 af 12 Verið var að setja upp skreytingar við Hitt húsið þegar ljósmyndara bar að garði. Þórður Arnar

Mynd 10 af 12 Setningarathöfn hátíðarinnar fer fram í Hörpu í kvöld. Þórður Arnar

Mynd 11 af 12 Landsbankinn er meðal þeirra fyrirtækja sem fagna vikunni sérstaklega. Þórður Arnar

Mynd 12 af 12 Gleðina má finna jafnt innan sem utandyra. Þórður Arnar

Hinsegin dagar eru nú í fullum gangi þó þeir hefjist raunar formlega með setningarathöfn í kvöld. Kennir þar ýmissa grasa en hápunkturinn er án efa sjálf Gleðigangan sem fram fer á laugardaginn.

Síðustu daga hefur borgin smátt og smátt verið að taka á sig nýjan lit og á þriðjudaginn var göngugatan á Skólavörðustíg máluð í regnbogalitunum, Instagrömmurum, hinsegin fólki og öðrum unnendum jafnréttis til mikillar ánægju.

Ljósmyndari mbl.is fangaði regnbogann sem nú færist yfir Reykjavík á rölti sínu um miðborgina í dag og ylhýra útkomuna má sjá hér að ofan.