„Verslunin er bara hérna handan við hornið og ég er fastagestur, sérstaklega síðustu vikurnar enda stöndum við í flutningum,“ segir Eiríkur Örn Norðdahl rithöfundur sem býr í Vä­sterås í Svíþjóð þar sem tveir voru stungnir til bana í IKEA-verslun í dag. Verslunin er í Erikslund sem er næsta hverfi við Råby þar sem Eiríkur býr. Hann lýsir Erikslund sem verslunarhverfi á borð við Skeifuna. 

Sjá frétt mbl.is: Hnífstunga í IKEA-verslun

Eírikur og fjölskylda hans er á flutningsfæti heim til Íslands og þurfa því á ýmislegu að halda í versluninni. Litlu munaði að konan hans og tengdapabbi væru í versluninni fyrr í dag. „Konan mín fór svo út áðan með pabba sínum til að kaupa fleiri pappakassa og bóluplast – og hann ætlaði með þau í IKEA en henni finnst það alltof yfirþyrmandi staður og rellaði út úr honum að fara annað. Annars hefðu þau verið þarna,“ segir Eiríkur. 

Við búum s.s. í jaðri hverfis sem heitir Råby – en þetta gerist í Erikslund, sem er næsta hverfi. Erikslund er eiginlega svona einsog Skeifan – ekkert nema stórar verslanir.

Hann segist nú bíða nýjustu fregna af málinu en lögreglan ætlaði að halda blaðamannafund klukkan 16 á sænskum tíma en þeim fundi var frestað. „Þetta er risastór verslun og oft mikið af fólki en auðvitað erum við sem búum í hverfinu líka oft þarna. En við höfum enn ekki heyrt af neinum sem við þekkjum sem var þarna. Maður vonar auðvitað ekki,“ segir Eiríkur að lokum. 

Eiríkur Örn Norðdahl. mbl.is/Sigurgeir Sigurðsson

Tengdar fréttir

Árás í IKEA í Svíþjóð

Ætlaði sér að drepa einhvern

• Fundu eldfimt efni við flóttamannamiðstöðina
• Félagi morðingjans látinn laus
• Játar að hafa framið morð í IKEA
• Grunaður morðingi kominn til meðvitundar

» Fleiri tengdar fréttir

• Blogga um frétt