Einstakt myndskeið af hvölum í Eyjafirði

Mikið hefur sést af hvölum í Eyjafirði það sem af er sumri og muna menn vart eftir betra sumri.

Í tilkynningu frá hvalaskoðunarfyrirtækinu Ambassador segir að sést hafi til hvala í nær 100 prósent ferða þeirra í sumar og að ekki sé óalgengt að farþegar sjái 10 til 15 hnúfubaka í kringum bátinn.

Fyrirtækið ákvað að festa sjónarspilið á filmu og fékk Arctic Bird Eye til að koma með í hvalaskoðunarferðir og taka upp myndband með hjálp drónaflaugar sem náði mikilli nálægð við dýrin.

Útkoman er vægast sagt stórkostleg en sjón er sögu ríkari. 

• 1 blogg um fréttina

Bloggað um fréttina

• Jens Guð: Gróft dýraníð Sea Shepherd