Sex bílar skemmdir

Sex bílar í umdæmi lögreglunnar á Suðurnesjum hafa orðið fyrir barðinu á skemmdarvörgum á undanförnum dögum.  

Síðastliðið föstudagskvöld var tilkynnt um þrjá skemmda bíla og aðra þrjá um helgina. Rúður voru brotnar í þeim öllum og margt þykir benda til þess að grjóthnullungar hafi verið notaðir í þeim tilgangi. Lögregla rannsakar málið og leikur grunur á að þarna hafi sami aðili eða aðilar verið að verki í öllum tilvikum.

Eru þeir sem hafa orðið varir við umrædd skemmdarverk á bifreiðum sem staðsettar voru við Bolafót nr. 11 og 15 í Njarðvík fyrir og um helgina að hafa samband í síma 4442200.

• Blogga um frétt