Tilraun til sjálfsvígs á eyðibýli

„Þeir segja að þú eigir að sjá allt lífið þjóta hjá þegar þú ert kominn á endastöð. Það eina sem ég sé er myrkur. Myrkur sem verður stærra og dýpra með hverri sekúndu. Lífið getur verið svo yndislegt á marga vegu, fuglasöngurinn, kyrrðin, náttúran en það er bara ekki nóg,“ segir 27 ára karlmaður í myndbandi sem er hluti af átakai Útme‘ða hópsins og Rauða krossins. Tjarnargatan framleiddi myndbandið og kom að hugmyndavinnu. 

Í myndbandinu sést maðurinn aka eftir löngum, beinum vegi í átt að eyðibýli þar sem hann gerir tilraun til að taka sitt eigið líf. Sjá má fætur hans hanga niður úr loftinu eftir að hann sparkar kolli í burtu.

„Ferðalagið er ekki alltaf jafn langt hjá okkur öllum. Hjá sumum er það stutt, alltof stutt, en það þarf ekki að vera þannig,“ segir maðurinn, fellur niður úr loftinu þegar timbrið gefur sig, hóstar og lifir áfram.    

Frétt mbl.is: Hefur opnað umræðuna um sjálfsvíg

Sjálfs­víg hafa verið al­geng­asta dán­ar­or­sök ís­lenskra karl­manna á aldr­in­um 18 til 25 ára á Íslandi á allra síðustu árum en fjór­ir til sex ung­ir menn svipta sig lífi að jafnaði á Íslandi á hverju ári. Ríf­lega eitt sím­tal til Hjálp­arsíma Rauða kross­ins 1717 snýst um sjálfs­víg, eigið eða annarra, á hverj­um ein­asta degi all­an árs­ins hring.   

#utmeda

• 1 blogg um fréttina

Bloggað um fréttina

• Skoðarinn: Slæmt mál hversu margir fara á þennan hátt.