Heiða Kristín Helgadóttir, þingmaður Bjartrar framtíðar, beindi í dag fyrirspurn til Sigmundar Davíðs Gunnlaugssonar forsætisráðherra, um hvort hann hyggist friða landsvæðið sem inn­an­lands­flugvöllurinn í Vatnsmýri er á, eða byggingar á flugvallarsvæðinu, nái breyting á lögum um menningarminjar, nr. 80/2012, fram að ganga á þessu þingi.

Þá spyr hún einnig hvort ráðherra hyggist taka eignarnámi byggingar á flugvallarsvæðinu, eða flugvallarsvæðið í heild, nái breytingarnar fram að ganga.

Breytingarnar sem hún á við eru þær sem boðaðar voru í tillögu að frumvarpi í gær. Nái breytingarnar fram að ganga hefði forsætisráðherra heimild til að taka lönd, mannvirki og réttindi eignarnámi til að framkvæma friðlýsingu samkvæmt lögunum.

Í frumvarpinu segir að menningarminjar teljist vera ummerki um sögu þjóðarinnar, svo sem fornminjar, menningar- og búsetulandslag, kirkjugripir og minningarmörk, hús og önnur mannvirki, skip og bátar, samgöngutæki, listmunir og nytjahlutir, svo og myndir og aðrar heimildir um menningarsögu þjóðarinnar.

Fyrirspurn Heiðu Kristínar.

Tengdar fréttir

Reykjavíkurflugvöllur

Segja flugbraut Reykjavíkurflugvallar ekki örugga

• Leggur til þjóðaratkvæði um flugvöllinn
• Lögmæti og heilindi dregin í efa
• Ríkið og borgin skipta tekjum
• Borgin vill ekki hætta að spá í Hvassahraun

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: KANNSKI VÆRI ÞAÐ EKKI SVO VITLAUST?