Kveðinn var upp úrskurður í Héraðsdómi Reykjavíkur í morgun um að Guðjón St. Marteinsson héraðsdómari viki ekki sæti í Aur­um Hold­ing-mál­inu.

Sérstakur saksóknari hafði farið fram á að Guðjón viki sæti í málinu á þeim forsendum að ekki ríkti traust til hans eftir að hann hefði gert alvarlegar athugasemdir við starfsaðferðir embættisins. Fyrir vikið væri fyrir hendi réttmæt tortryggni um óhlutdrægni Guðjóns.

Ólafur Þór Hauksson, sérstakur saksóknari, lýsti því yfir eftir að úrskurðurinn lá fyrir að embættið myndi fara yfir úrskurðinn og meta hvort hann yrði kærður. Það myndi liggja fyrir á næstu dögum. Málinu var í kjölfarið frestað í ótiltekinn tíma.

Ákærðu í málinu eru Jón Ásgeir Jó­hann­es­son, Lár­us Weld­ing, Magnús Arn­ar Arn­gríms­son og Bjarni Jó­hann­es­son fyrr­ver­andi eig­end­ur og stjórn­end­ur Glitn­is banka. Þeir eru ákærðir fyrir umboðssvik eða hlutdeild í umboðssvikum vegna sex milljarða króna lánveitingar Glitnis til félagsins FS38 í júlí 2008 en lánið var veitt til að fjár­magna að fullu kaup FS38 ehf. á 25,7% hlut Fons hf. í Aur­um Hold­ings Lim­ited.

Tengdar fréttir

Aurum Holding-málið

Aurum Holding ekki fyrir Hæstarétt

• Feginn að komið sé að endimörkum
• 59 milljónir falla á ríkissjóð
• Allir sýknaðir í Aurum-málinu
• „Ég er bara lítill fjárfestir“

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Ofurkapp Guðjóns að dæma í máli Jóns Ásgeirs