Ólöf Nor­dal, inn­an­rík­is­ráðherra, hyggst gefa kost á sér í embætti vara­for­manns Sjálf­stæðis­flokks­ins á kom­andi lands­fundi flokks­ins 23.-25. októ­ber. Þetta til­kynnti Ólöf á blaðamanna­fundi á heim­ili sínu í dag.

Ólöf starfaði áður sem vara­formaður flokks­ins á tíma­bil­inu 2010-2013. Hún sat á Alþingi sem þingmaður Norðaust­ur­kjör­dæm­is 2007-2009 og Reykja­vík­ur­kjör­dæm­is suður 2009-2013. Ólöf gaf ekki kost á sér í síðustu alþing­is­kosn­ing­um en tók við embætti inn­an­rík­is­ráðherra af Hönnu Birnu Kristjáns­dótt­ur, frá­far­andi vara­for­manni Sjálf­stæðis­flokks­ins, árið 2014.

Ólöf sagðist hafa íhugað stöðu sína frá því hún tók við embætti inn­an­rík­is­ráðherra. Hún seg­ist nú hafa ákveðið að gefa kost á sér í næstu alþing­is­kosn­ing­um sem og í embætti vara­for­manns flokks­ins.

Ólöf viður­kenndi að staða flokks­ins í könn­un­um mætti vera betri og á því þyrfti að taka. „Ég held að það standi stjórn­mál­un­um fyr­ir þrif­um að þau snú­ast mikið um sjálf sig," sagði Ólöf, „en ég tel það gríðarlega mik­il­vægt að kjörn­ir full­trú­ar flokks­ins séu í góðu sam­bandi við fólkið."

Hún sagðist hafa rætt fram­boðið við ýmsa inn­an flokks­ins en að hún taki ákvörðun sína óháð stöðu frá­far­andi vara­for­manns, Hönnu Birnu, en staða henn­ar hef­ur veikst mjög í kjöl­far leka­máls­ins. Hún seg­ist allt eins eiga von á mót­fram­boði enda séu all­ir í fram­boði á lands­fundi.

Ólöf Nor­dal, inn­an­rík­is­ráðherra Árni Sæ­berg

Tengd­ar frétt­ir

Lands­fund­ur Sjálf­stæðis­flokks­ins 2015

Frjáls­lyndið í fyr­ir­rúmi

• Sjálf­stæðis­menn vilja heim­ila staðgöngu­mæðrun og líkn­ar­dráp
• Bjarni end­ur­kjör­inn formaður
• „Ég er bara orðlaus“
• 89% breyt­inga ungra sjálf­stæðismanna samþykkt­ar

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Njörður Helga­son: Dug­mik­il kona!
• Jó­hann­es Ragn­ars­son: Flokks­bjarg­vætt­ur leidd­ur til slátrunn­ar í annað sinn