Í síðasta mánuði mátti ungur, menntaður, lögreglumaður þola „...þetta týpíska sem allir þekkja úr vinnunni.“ Hótanir, ógnun með hníf, sjálfsvíg, andlát, banaslys, heimilisofbeldi þar sem börn komu við sögu og þar fram eftir götunni. Fyrir þetta fékk hann 454.076 krónur í mánaðarlaun fyrir skatt og 284.662 krónur útborgaðar.

Þetta kemur fram á Facebook síðu lögreglumannsins Sigvalda Arnars Lárussonar sem birtir launaseðil lögreglumannsins. Eigandi launaseðilsins vill ekki koma fram undir nafni og segir Sigvaldi að viðkomandi skammist sín fyrir launin.

„Þarna er um að ræða laun fyrir fullan mánuð auk þrekálags og sérstakrar álagsgreiðslu,“ skrifar Sigvaldi og telur upp ofangreindar upplifanir lögreglumannsins í starfi þann mánuðinn.

„Jú við völdum okkur starfið sjálf engin spurning og erum ekki að kvarta undan starfinu. Við erum að kvarta undan helvítis laununum. Eigandi þessa seðils er bugaður eftir að hann fékk launaseðilinn. Á bakvið þetta eru næturvaktir og helgarvaktir.
Finnst einhverjum það skrýtið?“

Lögreglumenn við Stjórnarráðið. mbl.is/Styrmir Kári

Tengdar fréttir

Kjaraviðræður

Viðræður í Karphúsinu ganga misvel

• Svona verður verkfall lækna á Akureyri
• Fatlaður drengur fær ekki þjónustu í verkfalli
• Boða verkföll í fjórum skólum til viðbótar
• Börn hafi engan rétt á leikskólakennslu

» Fleiri tengdar fréttir

• 1 blogg um fréttina

Bloggað um fréttina

• Ásthildur Cesil Þórðardóttir: Erum við ekki komin út í fen, sem taka verður …