Aukið álag við landamærin

Fjölgun hælisleitenda veldur auknu álagi í landamæravörslunni í Keflavík. Það bætist við álag vegna fjölgunar ferðamanna.

Þetta kemur fram í nýrri skýrslu ríkislögreglustjóra um áhættumat og greiningu vegna komu flóttafólks og aukins álags á landamærum Íslands. Hún var gerð að beiðni Ólafs Helga Kjartanssonar, lögreglustjóra á Suðurnesjum.

Í umfjöllun um mál þetta í Morgunblaðinu í dag segir Ólafur Helgi skýrsluna sýna að vinnuálagið hjá embættinu mundi aukast þótt þessi þróun væri ekki talin auka áhættu fyrir Ísland í heild.