Starfsemi lögreglunnar á höfuðborgarsvæðinu er nú að færast í eðlilegt horf en í dag tilkynntu um sjötíu lögreglumenn þar veikindi og mættu ekki til starfa. Að sögn Jóhannesar Karls Þórissonar, aðstoðaryfirlögregluþjóns hjá lögreglunni á höfuðborgarsvæðinu er kvöldvaktin sem mætti til starfa klukkan 19 fullmönnuð. Þar að auki er búið að opna lögreglustöðina á Grensásvegi að nýju en hún var lokuð í dag vegna manneklu. Að sögn Jóhannesar eru allar lögreglustöðvar á höfuðborgarsvæðinu nú opnar.

Eins og fram kom á mbl.is fyrr í kvöld mönnuðu yf­ir­menn lög­reglu­bif­reiðar og gengu í önn­ur störf til að sinna lág­marks­ör­ygg­is­gæslu á höfuðborg­ar­svæðinu. Dag­ur­inn gekk án stór­áfalla. 

Eins og fram hef­ur komið, tel­ur fjár­málaráðuneytið að for­föll­in séu ólög­mæt­ar verk­fallsaðgerðir lög­reglu­manna til að knýja á um bætt  launa­kjör.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• 1 blogg um fréttina

Bloggað um fréttina

• Sigurður Antonsson: Að skjóta sig í fótinn