Þau sem lesa reglulega tilkynningar sem berast fjölmiðlum frá lögreglunni á höfuðborgarsvæðinu vita að það er ekki endilega í frásögur færandi að lítið sem ekkert rati í yfirlitið sem berst rétt fyrir hádegi á virkum dögum. 

Í tölvupósti sem barst fjölmiðlum um hálf tólf í dag kom fram að ekkert fréttnæmt sé frá stöð 1 í austurbæ, stöð 2 í Hafnarfirði, Garðabæ og á Álftanesi, stöð 4 í Grafarvogi, Mosfellsbæ og Árbæ og stöð 5 í miðbæ, vesturbæ og á Seltjarnarnesi. 

Frétt mbl.is: „Lögreglustöðin er lokuð í dag“

Þetta er kannski ekki skrýtið ef marka má þann fjölda lögreglumanna sem mætti til vinnu í dag. Lögreglustöðin við Grensásveg var lokuð vegna veikinda og þeim sem þangað sóttu bent á lögreglustöðina við Hverfisgötu.

Svipaða sögu er að segja af stöðinni í Grafar­holti þar sem í það minnsta átta lög­reglu­menn höfðu til­kynnt veik­indi. 

Greint er frá einu útkalli á svæði stöðvar 3, þ.e. Kópavogi og Breiðholti, en ekið var á hjólreiðamann á á gatnamótum Kársnesbrautar og Sæbólsbrautar. Var hann fluttur á slysadeild með minniháttar áverka. 

Tengdar fréttir

Kjaraviðræður

Viðræður í Karphúsinu ganga misvel

• Svona verður verkfall lækna á Akureyri
• Fatlaður drengur fær ekki þjónustu í verkfalli
• Boða verkföll í fjórum skólum til viðbótar
• Börn hafi engan rétt á leikskólakennslu

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Einn á vakt við Hverfisgötu.