Um 300 lögreglumenn gengu fylktu liði niður Bankastrætið í dag og áleiðis á Austurvöll þar sem þeir sameinuðust félögum SFR og SLFÍ á samstöðufundi fyrir framan Alþingishúsið.

Ljósmyndari mbl.is, sem er á staðnum, segir að um sé að ræða lögreglumenn af Suðurlandi, Vesturlandi og Suðurnesjum auk lögreglumanna frá höfuðborgarsvæðinu.

Um er að ræða tæplega helming lögreglumanna á landinu.

Ásamt lögreglumönnum var fjöldi frá SFR og Sjúkraliðafélagi Íslands á Austurvelli. Mynd/Júlíus Sigurjónsson

Á vef Landssambands lögreglumanna er stutt tilkynning sem greinir frá fundinum en þar kemur eftirfarandi fram:

„Krafan er skýr! Sambærilegar kjarabætur fyrir alla ríkisstarfsmenn.“

Lögreglumenn við Alþingishúsið Mynd/Júlíus Sigurjónsson

Tengdar fréttir

Kjaraviðræður

Kennarar og læknar í Karphúsið að nýju klukkan níu

• Vonir bundnar við morgundaginn
• „Ekki úr háum söðli að detta“
• Hjúkrunarfræðingar samþykkja samning
• Fundur hafinn hjá kennurum, ríki og sveitarfélögum

» Fleiri tengdar fréttir

• Blogga um frétt