Viðræðum í kjaradeilu SFR, Sjúkraliða og lögreglumanna, í Karphúsinu, fer senn að ljúka í kvöld. Stéttarfélögin vinna í sínum hópum með þær tillögur sem eru á borðinu og funda milli þess sín á milli. Boðað hefur verið aftur til fundar kl. 11 í fyrramálið.

„Það liggur nú á fjármálaráðuneytinu að reikna það út hvernig sú hugmyndafræði sem við höfum lagt fram stemmir við það hvernig mál standa séð frá þeirra bæjardyrum,“ sagði Kristín Á. Guðmundsdóttir, formaður Sjúkraliðafélags Íslands.

Ekkert útlit er fyrir annað en áframhaldandi verkfallsaðgerðir að sögn Kristínar. „Því miður sé ég fram á það að verkföll haldi áfram eftir helgi. Það er gríðarmikil vinna eftir óunnin jafnvel þó fallist sé á þessa hugmyndafræðilegu nálgun, en það er ekki í hendi enn að það gangi upp.“

Boðuð hafa verið verkföll hjá sjúkraliðafélaginu og SFR aðfaranótt mánudags næstkomandi fram að aðfaranótt miðvikudags. Ótímabundið verkfall er í gildi hjá SFR á Landspítalanum, hjá Ríkisskattstjóra, sýslumannsembættunum og tollstjóra.

Kristín Á. Guðmundsdóttir

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Af Siggu Títu sem vildi verða sjúkraliði