Kjálkinn sagaður af hvalnum á Sólheimasandi

„Hverr maðr á reka allan fyrir sínu landi viðar ok hvala, sela ok fiska, fugla ok þara, nema með lögum sé frá komit,“ segir í núgildandi lögum um hvalreka í Jónsbók frá 1281.

Á myndinni er búrhvalurinn sem rak á land á Sólheimasandi fyrir tæpum mánuði, en hann liggur ennþá rotnandi í fjörunni.

Landeigandinn lét sér nægja að saga kjálkann úr hvalnum, en verðmæti tanna úr búrhval er metið á 1,5 milljónir króna.