Naut á vappi við Reykjanesbraut

Nautið Skuggi gerði sér lítið fyrir, ef naut geta á annað borð gert sér lítið fyrir, og strauk að heiman við Hvassahraun, heldur nærri Reykjanesbraut.

Skuggi var hinn spakasti þegar Eva Björk Ægisdóttir ljósmyndari átti leið hjá. Skuggi var þó ekki lengi á flandri, því bóndi á næsta bæ mætti á svæðið og lokkaði Skugga með sér frá veginum. Þar tók eigandi hans á móti honum með brauð og kom honum aftur inn fyrir girðingu.